Ókeypis busskoyring - steinur oman á byrðu

Flutningsvinna: Í sambandi við at býráðið hev­ur samtykt at borgararnir í Tórshavnar kommunu skjótt kunnu koyra ókeypis við býbussunum, sigur Magn­us Fuglø, formaður í aksturvinnufelagnum Sam­fylk­ing, at hetta verður stein­ur oman á byrðu hjá teimum sum koyra hýruvogn, soleiðis sum koyringin er í dag.
Vit hava havt samband við kappingarráðið, og teir bóðu okkum senda eitt skriv inn um málið, so teir kunnu við­gera tað á fundi.
Annars er tað hálvtannað ár síðan hýruvognsnevndin hjá býráðnum (ein trí­mann­a­bólkur) varð settur at snikka eina nýggja hýr­u­vogns­regl­u­gerð til, men har er einki hent.
Vit hava flerir ferðir rykt eftir reglugerðini, men teir lova, at nú verður tað heilt skjótt at hon verður løgd fram, men har er einki hent. Reglugerðin hevur 20 ár á baki og er ikki tíðarhóskandi í dag.

Formaðurin í hýr­u­vogns­nevndini hjá býráðnum hevur verið tann ídnasta at fáa bussarnar at koyra ó­keyp­is. Eisini hevur upp­skot verið frammi um, at nátt­ar­bussar skulu koyra alla náttina í vikuskiftinum. So framtíðarútlitini eru ikki góð í løtuni, sigur Magnus Fuglø.

Básar mangla
Í sambandi við hýr­u­vogns­bás­ar­nar uttan fyri SMS, vóru vit á fundi við stjóran í SMS, Niels Mortensen, í summar, meðan stóra umbyggingin fór fram. Hann segði, at teir høvdu eisini hugsað um hýr­u­vogarnar í sambandi við park­er­ingabásarnar. Tekn­iska deild hjá býráðnum fór at skelta parkeringsbásaranar og eisini hýruvognsbásarnar. Higartil hava teir bert skelt­að parkeringsbásarnar til bil­arnar hjá kundunum, men ikki til hýruvognarnar, sigur Magnus Fuglø.
Samfylking harmast um at hýruvognsvinnan ong­an góðan eigur, og at myndugleikarnir ikki hjálpa teimum at fáa skipaði við­urskifti, soleiðis at tað ber til at liva av at koyra hýruvogn í Tórshavnar kommunu, sigur Magnus Fuglø, formaður í felagnum.
Hýruvognsvinnan hevur tað ikki lætt í Tórshavnar komm­unu. Talan er um eina vinna burturav, sum góðar 60 familjur í kommununi skulu liva av. Ringt er hjá ein­um hýruvognseigara at fáa endarnar at røkka sam­an, hóast hann hevur lang­ar arbeiðsdagar allar yrk­a­dagarnar í vikunu. Teir eru eisini noyddir at hava bilarnar koyrandi um næt­ur­nar í vikuskiftinum, fyri at tað í heila tikið kann hanga saman, sigur Magnus Fuglø, formaður í aksturvinnufelagnum Sam­fylk­ing.