Tað hendi ikki stórar broytingar í nevnd og umboðsráði, nú Útoyggjafelagið hevði aðalfund á bygdarstevnu við Gjógv í dag. Fyri at taka samanum, hendi bara ein broyting og tað er, at Trøllanes fekk nýtt umboð í umboðsráðið í Útoyggjafelagnum.
Eyðun Eliasen hevur verið umboðsráðnum, men í dag takkaði hann fyri seg. Men sessurin fór ikki langt, tí tað varð konan Anja, sum tók yvir. Annars hendi ongar broytingar á hesum aðalfundinum í Útoyggjafelagnum, sum nú hevur 13 ár á baki.
Formaður er í nevndini er Óla Jákup úr Dímun, sum eisini er úr Dímun, samskipari er Olga Biskopstø úr Klaksvík, og nevndarlimur er Esbern í Eyðansstovu í Mykinesi.
Í Umboðsráðnum sita nú: Magni Garðalíð, Húsar, sum eisini er formaður, Harry Jensen, Skúvoy, Óli á Geilini, Svínoy, sum er skrivari, Anja Eliasen, Trøllanes, Andras í Frammistovu, Kirkja, Johanna Hansen, Hattarvík, Magnus Eliasen, Mikladalur, Katrina Johannesen, Mykines, Kartin Lenvig, Hestur og Jógvan Jón Petersen, Stóra Dímun.
Síggj fleiri myndir frá bygdarstevnuni við Gjógv við at trýsta HER
|
