Tá var Kjartan Hoydal skjótur við avtrekkjaranum. Kjartan Hoydal veit altíð so væl, og hann vardi Dimmu ímóti øllum atfinningum og dømdi Christani Nagata sum tann ónda.
Men nú er byttan vend. Nú hevur sjálvt Kjartan Hoydal funnið út av, at tað sum Árni Gregersen og Eyðfinnur Reyðberg royna at gera, er »konkursrýttarí«.
Konkursrýttarar verða persónar róptir, sum tilvitað spekulera við at lumpa onnur fólk. Tildømis tað, sum Árni Gregersen og Eyðfinnur Reyðberg (sum er frákoyrdur sparikassastjóri í Klaksvík) nú gera. Teir ætla at lumpa seg undan rokningum upp á fleiri milliónir – og starvsfólkini fáa ikki sína løn.
Kjartan Hoydal skrivar soleiðis á Facebook:
– Seinast í 2012 talaði eg at, at Christian Nagata skuldsetti leiðsluna á Dimmalætting fyri konkursryttarí. Eg má tíverri ásanna, at hendingarnar seinastu dagarnar hava víst, at Christian hevur rætt í sínum skuldsetingum...
