Sum ein partur av Mentanarvikuni, sum er í Runavíkar-økinum hesa vikuna, verður stór konsert og dansur í Ítróttarhøllini í Runavík leygarkvøldið 3. november Komandi leygarkvøld verður stórt konsert-og dansitiltak í Ítróttarhøllini í Runavík.
Luttakandi bólkarnir eru Simon Mathew úr Danmark, Høgni Lisberg, Crawling Blue og bólkurin, Boys in a Band, sum júst hevur vunnið GBOB-kappingina.
Hetta kvøldið verður eisini mótaframsýning, sum mótahandilin Trend Flood skipar fyri.
Atgongumerki til konsert-og dansitiltakið kunnu keypast í Kiosk Vár í Saltangará, Kiosk Vár í Klaksvík og á Kunningarstovunum í Havn og Saltangará.
Atgongimerkini kosta 220 krónur, og tey kunnu eisini keypast við dyrnar, tá høllin letur upp klokkan 22.
Í sambandi við stóra tiltakið, koyrir bussur úr Sørvági (klokkan 20.30), úr Havn (20.30), úr Vestmanna (21.00) og av Strondum (21.00).
Koyrt verður til tiltakið og heimaftur, tá tiltakið er liðugt um 04-tíðina.
