Leygardagin 13. august stevna dreingir og gentur úr øllum landinum til Skopunar, tí tá verður aftur skipað fyri kassabilakapkoyring í bygdini.
Skipað varð fyri sama tiltaki fyri tveium árum síðani, og tað hepnaðist so væl, at fyrireikararnir aftur hava sett øllum kassabila-áhugaðum úr øllum landinum at koa til Skopunar annan leygardagin.
Tiltakið byrja við skrúðgongu á kaiini uttan fyri Kunningarstovuna. Tá skulu kassabilarnir – við fløggum – vera klárir.
Kristvør Kolden, sum skipar fyri tiltakinum, sigur, at tey fegin vilja hava ellisakfør at koma við eisini.
Skráin fyri dagin sær soleiðis út:
Klokkan 14.15: Innritan av luttakarum til kassabilakappkoyringina verður á Torginum mitt í bygdini.
Klokkan 14.15: Røða og sangur
Klokkan 14.30: Sølutorg, súklubátahylur o. a. hugnaligt spæliøki í og rundan um ánna við heingibrúgv, og mangt annað.
Klokkan 15.00: Kappkoyringin
Fiskikapping í ánni – Størsta síl (í vekt og longd) hvør klárar at fanga ein ál?
Klokkan 16.00: Konsert
Klokkan 17.00: Steyp og heiðursmerkir
Vinnarin fyri fiskikappingina verður funnin.
Kostnaður fyri dagin er 50 kr fyri hvørt barnið millum 3-14 ár, men tað er ókeypis fyri vaksin.
Eftir hetta bjóðar Campingøki í Skopun felagssangløtu, grilling o.a.
---
Treytirnar fyri at luttaka við kassabili:
– Heimagjørdur kassabilur ið kann styra og bremsa
– Førarin má hava hjálm
– 1-5 børn kunnu verða á hvørjum liði til hvønn bil, bert ein kann verða í bilinum meðan koyrt verður.
– Aldur á førarinum 7-12 ár
Tríggir vinnari verða funnir:
1. Tann, ið vinnur kappkoyringina
2. Tann kreativasti bilurin
3. Tann tryggasti bilurin
Dómarnir eru: HallelujaSofus, Kemm Poulsen o.o.
– Vit gleða okkum at síggja tykkum leygardagin 13 august
– Hjartaliga vælkomin til Skopunar, heilsar Kristvør Kolden.
TRÝST HER fyri at lesa repotasju úr Sosialinum um kassabilakappkoyringina í 2014.
Til ber at síggja kykmyndir frá kappingini seinast VIÐ AT TRÝSTA HER
