Íslendska felagið KR er farið til Spania at venja og spæla dystir næstu tíðina. Felagið hjá Rógva Jacobsen skal verða við í La Manga Cup, og tríggir dystir eru á skránni í fyrstu syftu. Mánadagin skuldi KR spæla ímóti norska felagnum Tromsø, hósdagin ímóti Krylya Sovetov, og næsta mánadag ímóti Brann.
19. februar fer føroyska fótbóltslandsliðið til USA á venjingarlegu, og tá skal Rógvi við. Hann kann tí ikki verða við í øllum dystunum hjá KR á La Manga.
