Mikudagin gjørdist himmalin yvir pørtum av Kreta reyður og reyðgulur, og orsøkin var eitt serligt veðurfyribrigdi.
Osøkin til fyribrigdið var ein sandstormur. Avleiðingin var, at fleiri flogferðir vórðu steðgaðar - ella umskipaðar til aðrar flogvallir.
Tey lokalu í økinum siga, at hetta er ringasti sandstormur á leiðini í 30 ár.
- Eg fekk blóðreyð eygu av at vera úti í bert fimm minuttir, og nøsin gjørdist tipt. Tú sást sandin flyta seg í luftini, sigur ein lokalur við útlendskar miðlar.
Í dag er himmalin yvir økinum bláur aftur, siga tey lokalu í økinum, har veðurfyribrigdið sást serliga væl á miðjarðarhavsoynni í gjár.
Millum miðlarnar, sum bera hesi tíðindi í morgun, er eitt nú www.tv2.no
