Ummælarar hava givið Kristel Lisberg góðan møguleika at vinna donsku útgávuna av Melodi Grand Prix, sum verður 13. februar í Horsens, men nógv bendir á, at hon fær harða kapping frá serliga einari songkvinnu.
23 ára gamla Simone Egeriis, sum tvær ferðir áður hevur luttikið í Melodi Grand Prix og báðu ferð gjørdist nummar trý, er høgt í metum hjá donskum serfrøðingum. Somikið høgt, at tað verður hildið, at tað er 50% møguleiki fyri at hon vinnur.
Tað eru serfrøðingarnir hjá Danske Spil, sum hava gjørt sína meting og hava bjóðað odds upp á vinnaran. Her er Simone Egeriis greiður favorittur við odds 2.10, sum gevur henni umleið 50% møguleika.
Um nakar annar fer avstað við sigrinum, so er Kristel Lisberg eitt gott boð. Hon er nevniliga á 2. plássi hjá Danske Spil við odds 8.00. Tað merkir, at teir meta hana hava 12,5% møguleika at vinna kappingina.
Odds: (Danske Spil)
Simone Egeriis – Heart Shaped Hole 2.10
Kristel Lisberg – Who Needs a Heart 8.00
Anja Nissen – Never Alone 8.00
Bracelet – Breakaway 8.00
Sophia Norh – Blue Horizon 9.00
Muri og Mario – To Stjerner 9.00
Jessica – Break it Good 15.00
Lighthouse X – Soldiers of Love 15.00
David Jay – Rays of Sunlight 30.00
Veronicas Illusion – The Wrong Kind 40.00
