Ólafur Ragnar Grímsson varð í dag settur í íslendska forsetaembætið, eftir at hann vann forsetavalið fyrr í summar. Hann fekk meiri enn 50 prosent av atkvøðunum. Fýra onnur stillaðu upp.
Hetta er hansara fimmta forsetaskeið, og hann er tann fyrsti forsetin, sum er settur í embætið fimm ferðir.
Væl av fólki var komið saman við Altingshúsið í góðveðrinum seinnapartin í sambandi við innsetanina.
