Klaksvíkingar hava altíð verið raskir við línuni. Ikki minst hava teir verið fegnir um teir stóru línubátarnir, sum hava verið í Klaksvík.
Í Klaksvík eru sjey stórir línubátar.
Nú á páskum lógu fimm av teimum lið um lið við bryggju undir Kósavirkinum har teir avreiddu.
Tilsamans avreiddu teir yvir 400 tons, sum tey á Kósavirkinum arbeiða hesa vikuna.
Farið var undir at landa á midnátt annað páskakvøld, fyri at hava fisk niðurfyri at arbeiða í gjár.
Og allir bátarnir vóru tómir beint eftir døgverða.
Tað hevur roynst avbera væl hjá línubátunum. Og tað gjørdu tað eisini hesuferð:
Pison hevði 2.200 sentnarar, Klakkur hevði 2.000,
Jákup B hevði 1.800, Núpur 1.600 og Kvik hevði 850 sentnarar.
Tilsamans høvdu teir sostatt 8.450 sentnarar, ella 845.000 pund.
