Hóast Lars Løkke Rasmussen misti stjórnarvaldið á valinum í gjár, kann Vinstra-formaðurin ugga seg við, at einki valevni fekk so nógvar atkvøður sum hann. Løkke, sum er uppstillaður í Norðursælandi, fekk 56.285 persónligar atkvøður ímóti knappliga 21.000 á valinum fyri fýra árum síðani.
Næst á toppskoraralistanum er oddakvinnan hjá Eindarlistanum, Johanne Schmidt-Nielsen (myndin), sum fekk 40.002 persónligar atkvøður. Í hesum viðfangi kann verða nevnt, at á valinum í 2007 var hon nummar 40 á toppskoraralistanum.
Kvinnurnar eiga eisini tey bæði næstu plássini. Pia Kjærsgaard var nummar trý og Helle Thorning-Schmidt nummar fýra. Komandi forsætisráðharrin fekk kortini munandi færri persónligar atkvøður enn á valinum í 2007.
Listin við teimum 10 ovastu toppskorarunum sær soleiðis út:
1. Lars Løkke Rasmussen 56.285
2. Johanne Schmidt-Nielsen 47.002
3. Pia Kjærsgaard 45.983
4. Helle Thorning-Schmidt 33.564
5. Nicolai Wammen 32.119
6. Lykke Friis 30.110
7. Kristian Thulesen Dahl 27.393
8. Margrethe Vestager 23.649
9. Mette Frederiksen 21.847
10. Bjarne Laustsen 18.733
