Nú er meiri enn ein mánaður farin, síðani punktum varð sett fyri EM undankappingina, og fótbóltslandsliðið fór í vetrarfrí.
Lars Olsen, sum hevur verið venjari síðani í 2011, og sum hevur havt ábyrgdina í 56 landsdystum, er farin frá.
Nú er hann venjari hjá Esbjerg fB í superliguni.
Í dag er Lars Olsen í Føroyum. Høvið er, at Fótbóltssambandið skipar fyri móttøku í sambandi við, at venjarin er farin frá. Almenna móttøkan verður í FSF húsinum í dag klokkan 15 til 17.
