Magnus Gunnarsson
Liana er ein rúmligur familjubilur við fimm hurðum, og góðum plássi til tey ferðandi og viðføri teirra. Viðførisrumið er 300 litrar, og 1.062 litrar við baksetrunum niðri. Undirvognurin er bygdur upp við óbundnari Mc Pherson fjaðraskipan aftan og framman, sum gevur bilinum sera góðar koyrieginleikar.
Digital instrumentir
Instrumentborðið er ikki heilt vanligt, vísaranir eru digitalir og lættir at avlesa. Tað at baksetrini eru ca. 5 sentimetrar hægri enn tey fremru, ger at tey sum sita aftan, sita høgt og hava gott útsýni frameftir. Uppeftir er nok av plássi. Liana verður gjørdur við tveimum motorstøddum, einum heilt nýggjum 1.3 litur við 90 hk, og einum 1.6 litur við 103 hk. Báðir hava teir dupultar yvirliggjandi knastakslar og 16 ventilar.
Útgerð
Bilurin er væl útgjørdur við nógvari trygdarútgerð so sum ABS bremsum, airbag báðumegin framman og í síðunum, fýra nakkapútur sum kunnu stillast, start og tjóvarísikring, el-síðurútar í øllum fýra hurðunum, el-spegl, sentrallás, varma í framsetrinum og førarasetrið kann stillast í hædd.
Fleir nýggir á veg
Umframt Liana kemur eisini Suzuki Ignis á marknaðin í Danmark í hesum døgum, hann fæst bæði við tvey og fýrahjólstrekk. Suzuki stendur fyri søluni av triðinginum av øllum fýrahjólsdrivnu bilunum í Danmark. Í heyst kemur tann størsti Suzuki nakrantíð, ein 7 persóna Grand Vitara við 2.7 litur V6 24V motori. Seinni kemur hann sum diesel.
Suzuki Liana 1.6
Motorurin: 1.6 litur 4 syl. 16V 103 hk
Bensinnýtsla: 14,1 km/l
Dekkstødd: 185/65-14
Stødd og vekt
Longd 423.0 cm
Breidd 169.0 cm
Hædd 154.5 cm
Eginvekt 1125 kg
Totalvekt 1650 kg
Viðførisrúm 300 litrar
Prísur: kr. 159.000,-
(Liane 1,3 kostar kr. 149.000,-)
Søluumboð:
Eyðbjørn Hansen
Varðagøta 75
FO-100 Tórshavn
Tlf.313375
