Seinnapartin leiktu Lív S. Poulsen og liðfelagarnir í TMS Ringsted seinasta dystin í hesum kalendaraárinum í næstbestu donsku hondbóltsdeildini.
TMS Ringsted tók á heimavølli móti Roskilde.
Tað eydnaðist Ringsted at vinna ein tepran 20-19 sigur. Í steðginum var Ringsted á odda 12-10.
Lív skoraði tvey mál í dagsins dysti.
Ringsted kann halda vetrarsteðg á einum sjeynda plássi í deildini við 10 stigum fyri 11 dystir. Aftaná fimm dystir hevði Ringsted einki stig, so gongdin hevur verið góð í seinastuni við fimm sigrum og bert einum tapi í teimum seinastu seks dystunum.
Ringsted spælir dyst aftur 14. januar á útivølli móti Aalborg HK.
