Chelsea heldur tann góða formin undir tí nýggja venjaranum, Guus Hiddink. Suðuri í Portsmouth tryggjaði Didier Drogba enn einaferð London-liðnum øll trý stigini. Sigursmálið fall tá 11 minuttir vóru eftir av vanligu leiktíðini.
Liverpool kom á slóðina aftur, og kom tað óivað serliga væl við hjá venjaranum, Rafael Benitez, sum hevur kent eitt stórt trýst á sær tær seinastu vikurnar. Liverpool vann 2-0 á Sunderland. David N´Gog setti á Liverpool á sigurskós, tíðliga í 2. hálvleiki, løtu seinni staðfesti Yossi Benayoun sigurin.
Danski framherjin hjá Arsenal, Nicklas Bendtner hevur verið ein tann mest útskeldaði fótbóltsspælarin í Onglandi seinastu vikurnar. Bendtner hevur brent illa, men í kvøld var tann danska kanónin innstillað. Niklas Bendtner skoraði tvey mál í 3-1 sigrinum hjá Arsenal ímóti West Bromwich á The Hawthorns leikvøllinum í Birmingham.
Chelsea og Liverpool eru nú 4 stig aftanfyri Manchester United. Manchester United hevur tó spælt tveir dystir minni, enn Chelsea og Liverpool. Í annaðkvøld spælir United ímóti Newcastle á útivølli.
Úrslitini í kvøld :
Portsmouth - Chelsea 0-1 (0-0)
0-1 Didier Drogba (79 min.)
West Bromwich - Arsenal 1-3 (1-3)
0-1 Niklas Bendtner (4. min)
1-1 Chris Bunt (7. min)
1-2 Kolo Toure (38. min)
1-3 Niklas Bendtner (44. min)
Liverpool - Portsmouth 2-0 (0-0)
1-0 David N´Gog (52. min)
2-0 Yossi Benayoun (65. min)
