Loksins brast fyri nev hjá John Frederiksen at skjóta fyrsta málið fyri Arendal í triðbestu norsku fótbóltsdeildini.
Arendal vann í kvøld á heimavølli 3-1 á Aalesund 2. Í steðginum var Arendal á odda 2-1.
John økti til 2-0 til Arendal tá 34 minuttir vóru leiktir av dystinum. John var skiftur út tá ein tími var farin av dystinum.
Arendal er triðfremst í deildini við 22 stigum. Fýra stig eru upp til oddaliðið, Egersund.
Leikt eru 11 av 26 umførum.
Tað eru tveir bólkar í triðbestu norsku fótbóltsdeildini. Bólkavinnararnir flyta beinleiðis upp. Liðini sum enda næstovast spæla Play Off dystir um rættin at flyta upp.
