Eitt tvey ára gamalt barn og ein 37 ára gomul kvinna eru deyð av løstunum, eftir at ein maður hósdagin koyrdi inn í eina mannamúgvu í München.
Tað boðar løgreglan í Bayern frá í kvøld, sambært týsku tíðindastovuni dpa.
Talan er um eina mammu og barn hennara, legði løgreglan afturat, sambært tíðindastovuni AFP.
Ein 24 ára gamal maður, sum er handtikin í málinum, hevur viðgingið, at hann við vilja koyrdi bilin inn í mannamúgvuna.
Í minsta lagi 39 fólk fingu skaða í hendingini hósmorgunin.
Tvey av teimum 39 særdu høvdu fingið álvarsligan skaða, upplýsti týska løgreglan fríggjadagin. Eitt teirra var tvey ára gamla barnið.
/Ritzau/
