Wayne Rooney tók av møguleikanum úr ellivu metrum og syrgdi fyri, at Manchester United vann sítt enska meistaraheitið nummar 19. Manchester United var seks stig framman fyri Chelsea á stigatalvuni undan dystinum. Tveir dystir restaðu í. Fekk oddaliðið stig burtur úr vitjanini hjá Blackburn, kundi gullveitslan byrja.
Tað eydnaðist. Úrslitið var 1-1.
Blackburn legði bragdliga fyri. Tomas Kuszczal, sum loysti av Edwin Van der Sar sum málverji, var lítið sannførandi, tá Brett Emerton sendi heimaliðið á sigurskós.
Manchester United hevði lítið at bjóða í løtum, men í seinna umfarinum var oddaliðið við yvirutan. Tað var eitt ivasamt brotsspark, sum var atvoldin til málið. Paul Robinson, málverjin hjá Blackburn, rendi Javier Hernandez um koll í brotssteiginum. Heimaliðið mótmælti avgerðini, men dómarin Phil Dowd ivaðist ikki. Wayne Rooney javnaði við brotssparkinum.
Nani, Manchester United, hevði upplagdan møguleika at leggja sítt lið á odda løtu seinni.
Manchester United hevur seinnapartin vunnið sítt meistaraheitð nummar 19, og tað hevur einki enskt lið megna áður. Felagið, sum Alex Ferguson stjórnar, er mest vinnandi felagið í Onglandi nakrantíð.
