Bara tveir bátar vóru við í fyrsta kappróðrinum millum 6-mannafør við kvinnum. Teir vóru Hósvíkingur, sum í fjør var silvurvinnari og Jarnbardur, sum var suverenur gullvinnari.
Síðani í fjør er tað mesta av manningini á Jarnbardi skift út. Tað eru bara róðurskvinnan Jannie Dam Jacobsen og ein av røðarunum, sum framvegis eru umborð.
Men avrikið og úrslitið á norðoyastevnu var, sum tað var í fjør. Jarnbardur legði seg beinanvegin á odda, og tá ið bátarnir fóru um málið vóru tað nógvar bátslongdir frá Jarnbardi og aftur til Hósvíking.
| 1 | Jarnbardur (RK) | 05:40.34 | +00.00 | 7 | ||
| 2 | Hósvíkingur (HVR) | 06:06.43 | +26.09 | 6 |
