Soleiðis, sum vit hava hoyrt í dag, hevur Ukraina rakt fleiri enn 40 russisk hernaðarflogfør við dronum.
Hetta sigur ukrainska fregnartænastan, sum rópar átakið eina "spesialoperatión" - júst soleiðis, sum Putin hevur kallað russisku innrásina í Ukraina.
Málið hjá Ukraina var russiskir hernaðarflogvallir víða um Russland - eisini flogvallir, sum liggja millum 2000 og 4000 kilometrar úr ukrainska markinum.
Soleiðis vóru russiskir flogvallir raktir bæði har eysturi í Sibiria og norðuri í Murmansk.
Ymiskar frásagnir eru um, hvussu hetta kundi lata seg gera, men gitingar eru um, at dronur, sum vórðu í álopunum, vóru fluttar við akførum til Russlands.
Síðan eru dronurnar stýrdar eftir ávísum útvaldum málum í Russlandi úr Ukraina.
Í kvøld skrivar ukrainski forsetin, Volodymyr Zelenskyj á Telegram, at álopið í dag varð sera væl eydnað.
- Eitt avgjørt strálandi úrslit, sum forsetin tekur til.
Forsetin viðgongur, at tilrættaleggingin av álopinum á russiskar flogvallir og hernaðarflogfør í dag hevur tikið hálvt annað ár.
Lesið eisini: - https://www.in.fo/news-detail/raktu-russisk-flogfoer-fyri-sjey-milliardir-dollarar
