Í dag sendi Ukraina dronur móti russiskum hernaðarflogvallum, sum liggja uppí fleiri túsund kilometrar úr ukrainska markinum.
Haraftrat liggja hesir flogvallir spjaddir langt frá hvørjum øðrum.
Soleiðis vórðu russisk hernaðarflogfør rakt í býnum, Irkutsk, niðri við markið til Mongolia og í Murmansk, sum liggur heilt har norðuri og nærindis norska markinum.
- Sjey milliardir dollarar. Tað er virðið av strategisku flogførunum hjá fíggindanum, sum í dag vórðu rakt.
Hetta skrivar ukrainska fregnartænastan um "spesialoperatiónina", sum Ukraina í dag hevur framt móti russiskum hernaðarflogvallum í dag.
Fleiri tíðindastovur bera hesi tíðindi seinnpartin í dag og í kvøld, og hesi tíðindi ber eisini NTB í kvøld.
Lesið eisini - https://www.in.fo/news-detail/fleiri-enn-40-russisk-bumbuflogfoer-i-ljosum-loga
