Hondbóltur
Fyri viku síðani lat VÍF eitt lítið ávaringarskot av, tá tær eina løtu loyptu hvøkk á steypavinnararnar úr Klaksvík.
Tí var Tjaldur ávarað um, at hóast tær vóru favorittar, so kemur eingin sigur av sær sjálvum, og frá fyrsta bríksli trumlaðu tær VÍF niður.
Ungu genturnar á heimaliðnum sluppu veruliga at royna, hvussu tað er at spæla móti nøkrum av bestu útlendsku spælarunum í føroyskum hondbólti, og bæði Adina Petrea og Cornelia Rimbu dusaðu sær av álvara í VÍF-verjuni, sum eingi vápn tóktist at hava yvirhøvur móti sterku skjúttunum.
Tapið stafðestir støðuna hjá VÍF sum eitt av veikaru liðunum í deildini. Men hinvegin hava tær nú spælt móti teimum báðum liðunum, ið á pappírinum verða roknað sum tey sterkastu, og so er spurningurin, hvussu stórar royndirnar eru, sum eru komnar burtur úr hesum báðum dystunum.
Fakta um dystin
VÍF-Tjaldur 24-40 (7-23)
Málskjúttar
VÍF: Tóra Seloy 6, Liljan Djurhuus 5(1), Rannvá á Rógvu 4, Heidi Joensen 4, Halla Midjord 3, Rakul Joensen 1, Finngerð Jensen 1
Tjaldur: Adina Petrea 12(2), Cornelia Rimbu 11, Marinela Patru 6, Annika Thomsen 5, Sarah Ann B. Thomsen 3, Elinbjørg Hammer 2, Jóhanna í Króki 1
Brotskøst: VÍF 3, Tjaldur 3
Útvísingar: VÍF 1, Tjaldur 6
Dómarar: Eyðun Samuelsen & Andreas F. Hansen
