Føroysk Miðlafólk og Føroya Blaðútgevarafelag hava skrivað undir nýggjan sáttmála. Nýggi sáttmálin gevur føroysku miðlafólkunum meira í løn og fleiri frídagar. Føroysk Miðlafólk og Føroya Blaðútgevarafelag hava skrivað undir nýggjan sáttmála.
Nýggi sáttmálin gevur limunum í Føroyskum Miðlafólkum 4 prosent í lønarhækkan yvir tvey ár umframt tveir eyka frídagar.
Avtalan fær gildi frá 1. november í fjør, tá gamli sáttmálin gekk út.
Í sambandi við samráðingarnar, hava partarnir eisini stovnað ein útbúgvingargrunn, har limir í Føroyskum Miðlafólkum kunnu søkja um pening til skeið og eftirútbúgving.
Føroysk Miðlafólk er størsta fakfelagið fyri journalistar í Føroyum.
