Arbeiðsloysið í Føroyum hevur ongantíð verið so lítið sum nú. Arbeiðsloysið er metlítið. Í februar var tað bara 1,7 prosent, og tað er met. Tað stendur at lesa á heimasíðuni hjá Hagstovu Føroya.
Í januar var arbeiðsloysið tvey prosent, og tað var eisini met. Men nú er arbeiðsloysið minkað uppaftur meiri og hevur tí sett nýtt met.
Frá januar til februar minkaði arbeiðsloysið í øllum landinum og í øllum aldursbólkum.
