Handilin í Vøruhúsinum á Hjalla er bæði stórur og hugnaligur, so kundin kennir seg væl og kann geva sær stundir til at finna tær vørur, hann hevur tørv á. Vøruhúsið hevur seinastu árini flutt seg munandi og hevur dagført sítt úrval.
- Í Vøruhúsinum leggja vit serliga fokus á møblar og búnýti. Innan møblar fært tú alt sum sofur, borð, stólar sengur – alt í besta kvaliteti. Serligur dentur verður lagdur á kvalitet og desiginmøblar í øllum príslegum.
Búnýtisparturin er spennandi við øllum møguligum sum eitt nú lampum, kaffimaskinum, víngløsum, dustsúgvarum, blendarum, knívum, tallerkum, pynti til heimið - ella hvat tað nú kann vera, sum spurt verður eftir.
##med2##
- Handilin er ikki bundin av ávísum ketum, men vit velja sjálvi okkara stóra úrval, sigur Peter Mouritsen, stjóri í Vøruhúsinum á Hjalla.
Heilt síðan fyritøkan var stovnað sum Málingahandilin í 1962, hevur máling verið ein partur av vøruúrvalinum - eisini hjá Vøruhúsinum, men nú er deildin flutt oman í Málingahandilin í R.C. Effersøesgøtu.
##med3##
