Danska stjórnin og Eindarlistin samdust í dag um eina kommunala útjavningaravtalu, sum skal flyta meiri pengar frá teimum ríku kommununum til tær fátæku kommunurnar. Haraumframt samdust partarnir um at játta 400 teimum fátæku økju8num 400 milliónir krónur afturat.
Útjavningaravtalan fer at kosta kommunum við stórum skattainntøkum so sum Rudersdal, Gentofte og Hørsholm mest, meðan kommunur við lágum skattainntøkum so sum Guldborgsund og Langeland fáa mest burtur úr avtaluni. Eitt nú fer avtalan at geva Langeland Kommunu, sum hevur beint oman fyri 13.000 íbúgvar, 47 milliónir krónur.
Tilsamans skulu 11 milliardir krónur takast frá teimum ríkastu kommununum. 63 kommunur fáa ágóða av avtaluni.
