Landsdystur
Í mun til hópin, sum Allan Simonsen í farnu viku tók út til landsdystin móti Svøríki, eru nú framdar tvær broytingar, sum báðar stava frá skaðum.
Sum nevnt í farnu viku, so hevur Julian Johnsson brotið beinið, og fær tí ikki verið við á landsliðnum, og harumframt hevur Johan Byrial Hansen givið avboð, tí hann hevur fingið ein skaða.
Nýggir menn
Ístaðin fyri hesar leikarar, hevur Allan Simonsen tikið út Andrew av Fløtum úr HB og Súna Olsen úr FC Zwolle. Hvørgin teirra hevur áður spælt í føroyska búnanum, tó at Andrew í Sveis taldist millum teirra, sum sótu samfullar 90 minuttir á beinkinum.
Um úttøkuna av Súna sigur Allan Simonsen, at talan her er um ein leikara, sum teir hava fylgt seinasta árið ella so.
- Eg havi ikki sæð hann spælt, meðan hann hevur verið í Hollandi, men Jógvan Martin (Olsen blðm.) og eg hava annars fylgt við gongd hansara seinasta árið ella so. Nú komu so nakrir skaðar, og harumframt hava eisini verið avboð frá øðrum leikarum, og tí hildu vit, at vit eins væl kundu geva Súna møguleikan nú.
Nýtt lið
Um svenska liðið, sum føroyingar skulu spæla ímóti mikudagin, sigur Allan, at han stórt sæð ikki kennir nakað sum helst til liðið.
Úttøka hevur sjálvsagt eisini verið í Svøríki, og av hesum sæst, at talan meira enn nakað annað er um eitt lið av framtíðar landsliðsevnum. Tað, sum danir ofta kalla eitt ligalandslið.
Tað er nevnliga bert ein leikari, sum áður hevur roynt seg á liðnum, og tað er Håkan Svensson, sum tvær ferðir áður hevur verið í gula búnanum. Eingin av hinum leikarunum hava áður roynt seg í hesum høpi, og harumframt er talan í fleiri førum um sera ungar leikarar. Fleiri av hesum eru niðanfyri 20 ára aldur, so ivaleyst síggja venjararnir dystin sum eitt kærkomið høvi til at síggja, hvussu hesir ungu leikararnir standa seg í altjóða dysti.
Hvørt hetta so er ein fyrimunur ella vansi fyri føroysku leikararnar, er kanska eitt sindur ilt at meta um.
Tað er givið, at eitt svenskt lið við øllum teimum kendu útlendsku leikarunum ivaleyst hevði verið ein nógv størri biti fyri okkara. Ikki minst, tá hugsað verður um, at fleiri av hesum spæla fótbólt í deildum, har kappngin í løutni er í hæddini, meðan okkara menn bert hava vant í ein lítlan mánað, og tískil neyvan eru í fullari venjing enn.
Hinvegin er eisini hugsandi, at nýggju menninir fara at gera alt tað teir mentir, til tess at prógva, at teir veruliga eiga at roknast sum landsliðsevni framyvir.Tað skal tí ikki roknast við, at føroysku leikararnir á nakran hátt fáa ein lættan dyst, tí hóast okkara hava væl meira av royndum á altjøoa støði, so er einki at ivast í, at tá tað ræður um fótbóltsevnini standa svensku leikararnir einki aftan fyri okkara. Kanska er tað heldru tvørturímóti, men tað fáa so øll at siggja mikukvøldið.
Svenski landsliðshópurin
Daniel Andersson, AIK
Andreas Isaksson, Djurgårdens IF
Håkan Svensson Halmstads BK
Johan Wiland, IF Elfsborg
Erik Edman, AIK
Mathias Florén, IFK Norrköping
Fredrik Karlsson, IFK Göteborg
Benjamin Kibebe, AIK
Marcus Lindberg, Helsingborgs IF
Per Nilsson, GIF Sundsvall
Olof Persson, Malmö FF
Jimmy Tamandi, Malmö FF
Gustaf Andersson, IFK Göteborg
Kennedy Bakircioglü , Hammarby IF
Kristian Bergström, IFK Norrköping
Tobias Grahn, Lyngby FC
Petter Hansson, Halmstads BK
Christian Hemberg, Örgryte IS
Zlatan Ibrahimovic, Malmö FF
Stefan Ishizaki, AIK
Markus Johannesson, Örgryte IS
Kim Källström, BK Häcken
Mats Rubarth, AIK
Sharbel Touma, AIK
Christian Wilhelmsson, Stabaek Fotball
Patrik Anttonen, Örebro SK
Mikael Dorsin, Djurgårdens IF
Thomas Magnusson, Trelleborgs FF
Føroyski landsliðshópurin:
Jens Martin Knudsen, NSÍ
Jákup Mikkelsen, Herfølge
Hans Fróði Hansen, B68
Pól Thorsteinsson, Valur
Allan Mørkøre, HB
Øssur Hansen, B68
Jóhannis Joensen, HB
Rógvi Jacobsen, KÍ
Christian Høgni Jacobsen, NSÍ
Fróði Benjaminsen, B68
Andrew av Fløtum, HB
Sámal Joensen, Leiftur
John Petersen, Leiftur
Uni Arge, Akranes
Todi Jónsson, FCK
Kurt Mørkøre, Sogndal
Súni Olsen, FC Zwolle
Óli Johannesen, Hvidovre
