Í Hirtsals er so nógvur vindur í løtuni, at Norrøna slapp ikki at, tá hon kom við 900 ferðafólkum til Danmarkar í morgun.
Tað er nógvur vindur beint av norði, og tá kunnu verða trupulleikar í havnini í Hirtshals, sum annars er ein sera veðurgóð havn, sigur Rúni V. Poulsen, stjóri á Smyril Line.
Hann væntar tó, at Norrøna sleppur at hvørja løtu, og at seinkingin verður umleið ein tíma.
Vit taka eingi óráð fyri, tá umstøðurnar eru soleiðis, og vit vænta ikki nakra drúgva seinking, sigur Rúni V. Poulsen.
