Helena Dam á Neystabø, landsstýriskvinna, hevur sett nýggja stýrið fyri Fróðskaparsetur Føroya. Í stýrinum fyri Fróðskaparsetur Føroya sita sjey limir. Landsstýriskvinnan velur fýra teirra uttan fyri stovnin, starvsfólkini velja tveir og tey lesandi ein lim. Fyri hvønn lim verður varalimur eisini valdur. Valskeiðið er 4 ár, fyri tey lesandi er skeiðið 1 ár.
Stýrið er evsti myndugleiki Fróðskaparsetursins. Stýrið velur formann og næstformann millum teir av landsstýriskvinnuni uttaneftir tilnevndu stýrislimir. Varalimur tekur sæti í stýrinum, um vanligum limi berst frá.
Limirnir í stýrinum eru:
Lis Mortensen, cand. scient., deildarleiðari á Jarðfeingi
Varalimur: Kristianna Sjóvará, cand. mag., deildarstjóri á Løgmansskrivstovuni
Tove Bull, professari í norðurlendskari málvísind við Universitetið í Tromsø
Varalimur: þorsteinn Gunnarsson, rektari, Ph.D, Háskólinn á Akureyri
Bogi Davidsen, yvirlækni, dr. med.
Varalimur: Juanna S. Joensen, cand.scient.oecon., Ph.D
Jan Mortensen, stjóri í FT Samskifti
Varalimur: Eyðfinn Egholm, stjóri á MEST
Harumframt hevur landsstýriskvinnan, eftir tilmæli frá Fróðskaparsetrinum, valt hesar limir og varalimir í stýrið:
Fyri starvsfólkini:
Winny í Pætursastovu, fulltrúi
Varalimur: Dávur Eyðunsson Sørensen, KT-vørður.
Robert James (Jim) Brown, professari, Ph.D,
Varalimur: Ása Róin, útbúgvingarleiðari.
Umboð teirra lesandi:
Anni Djurhuus, B.SC-lesandi í lívfrøði
Varalimur: Guðrið Krúnufjall, B.S.Sc-lesandi í stjórnmálafrøði.
Stýrið er sett frá 1. januar 2009.
