Týskvøldið hin 2. apríl verður aðalfundur í Náttúrulundini við Streymin.
Fundurin, sum byrjar klokkan 20 hetta kvøldið, verður í Eydnuni á Oyrarbakka.
Lýst verður við, at aðalfundurin verður sambært viðtøkunum hjá lundini.
Tað er Edmund Joensen á Oyrarbakka, sum hevur verið heitasti talsmaður fyri náttúrulundini.
Hetta er ein velduga stór og forvitnislig verkætlan í Sunda kommunu.
Verkætlanin hevur røtur heilt aftur til 2015, og longu tá vórðu tey fyrstu trøini gróðursett við Streymin.
Málið hevur verið, at umleið 70.000 trø skuldu gróðursetast í lundini.
Vit kunnu upplýsa, at fyrsta træið varð gróðursett streymoyarmegin hin 28. februar í 2015.
