Tað gekk misjavnt hjá føroyingaliðunum í næstbestu norsku fótbóltsdeildini í dag.
Noah Mneney spældi allan seinna hálvleik, tá hann og liðfelagarnir í Bryne vunnu 1-0 á Ranheim á heimavølli.
Sigursmálið skoraði Daniel Hermansson í 83. minutti.
Bryne er nummar 12 í deildini við 19 stigum. Bryne hevur nú átta stig niður til liðini, ið flyta beinleiðis niður í triðbestu deildina, og tí var sigurin sera týdningarmikil.
Gullbrandur í Horni Øregaard spældi allan dystin, tá hann og liðfelagarnir í Sandnes ULF taptu 1-2 á heimavølli fyri Sogndal.
Sogndal kom á odda 1-0 tá 63 minuttir vóru farnir, men bara fimm minuttir seinni javnaði Kristoffer Hay til 1-1. Tað gingu tó bert 10 minuttir, so hevði Sogndal skorað sigursmálið.
Sandnes er nummar 13 í deildini við 17 stigum.
##med2##
Kongsvinger tapti 1-3 fyri Raufoss á heimavølli, og tí er liðið hjá Mikkjali Thomassen, Jóannesi Bjartalíð og Brandi H. Olsen, Fredrikstad fremst í deildini við 32 stigum.
