NSÍ hevur klárað seg væl í 2. deild í ár, og hóast teir eru á fimta plássi, eru teir bert seks stig aftanfyri oddaliðið EB/Streym.
Í vikuskiftinum tóku teir ímóti LÍF, sum hevur havt ringt við at fóta sær í 2. deild í ár. NSÍ var stórfavorittur undan dystinum, men tað gekk long tíð, áðrenn NSÍ fekk hol á, tí hálvleiksstøðan var nevniliga 0-0. Men í seinna hálvleiki megnaðu runavíkingar at seta ferðina upp, og LÍF misti takið teir so nøkunlunda høvdu havt í fyrra hálvleiki.
Tað eydnaðist Johnny Skibenæs at seta hol á, og stutt eftir gjørdi hann tað eisini til 2-0. Áki L. Hansen økti til 3-0, og tá var dysturin í roynd og veru avgjørdur. Síðani legði Magnus Hansen heimaliðið á odda til 4-0, áðrenn Mortan Hansen, sum ofta hevur leikt við 1. deild, setti punktum við at skora fimta og seinasta málið hjá runavíkingum.
NSÍ vann sostatt ein sera sannførandi sigur, og teir eru enn við í kappingini um heiðursmerkini. Harafturímóti má LÍF ansa sær, um teir ikki skulu flyta niður í 3. deild. LÍF liggur á níggjunda plássi, tvey stig framman fyri KÍ, sum liggur á aftasta plássi í 2. deild.
Næsta vikuskiftið fer NSÍ til klaksvíkar at spæla móti botnliðnum í 2. deild, KÍ. Tá skulu teir helst hava trý stig, tí um teir søpla ov nógv stig burtur, missir NSÍ uttan iva oddaliðini úr eygsjón.
Næsta vikuskiftið skal LÍF suður til Hvalbiar at spæla móti Royn, og verður tað ein sera týðandi dystur um botnin í 2. deild. Royn liggur á áttanda plássi við 14 stigum, meðan LÍF hevur 13 stig. So dysturin næsta vikuskiftið kemur at hava stóra ávirkan á, hvat lið flytur niður, og hvat lið megnar at vera verandi í 2. deild.rt gav Djóna gula kortið, eftir at hann hevði runnið hálvan vøll eftir Allani Mørkøre, sum hevði tikið beinini undan Ian Højgaard, uttan at bólturin var nærhendis. Allarhelst átti talan tá at verið um tvey reyð kort.
Sum um totala eyðmýkingin av HB liðnum ikki var nóg mikið, so kundi Christian Høgni at enda seta punktum, tá eitt mótálop endaði við, at hann gjørdist leysur, soleiðis at reina hat-trick hansara varð veruleiki.
Undirhaldandi
Samanumtikið má sigast, at hóast talan ikki var um ein av best leiktu dystunum í ár, so var talan um undirhald á høgum støði.
Hvørki viðhaldsfólk ella leikarar hjá HB mundu vita, um tey skuldu flenna ella gráta, meðan risamøguleikarnir vórðu burturspiltir. NSÍ viðhaldsfólkini mundu hinvegin vera í góðum lag, og hóast alt eiga leikararnir hja NSÍ eisini rós uppiborið fyri sín leiklut.
Alir sum ein stríddust teir fyri felags søk síni, men tað vóru serliga tríggir leikarar, sum tosað varð um eftir dystin.
Christian Høgni Jacobsen fekk trý mál úr trimum møguleikum, harav málið til 4-2 var ein sonn perla. Rúni Joensen kom sjálvsagt eisini í fokus, orsakað av væntandi HB málunum, og so skal superveteranurin, Abraham Løkin, eisini nevnast. Tá hann fyrstu ferð royndi seg í fremsu fótbóltsdeildini, vóru fleiri av liðfeløgum hansara ikki føddir, men hetta sær ikki út til at gera mun. Fótbóltsheilan hevur hann enn sum fáur, men tað, sum er mest hugtakandi, er hvussu nógvar bóltar hann framvegis megnar at fáa fatur á. Heldur hann fram á sama hátt, er eingin forðing fyri, at hann eisini komandi árini tekur okkurt tørn fyri NSÍ.
Hjá vertunum mundi Hans á Lag vera einasti leikari, sum spældi sum ein komandi føroyameistari, meðan liðfelagar hansara mugu taka í egnan barm, um teir framhaldandi ætla sær at vera partur av FM-stríðnum.
HB-NSÍ 2-5 (1-2)
1-0: Pætur Dahl 5.
1-1: Dánjal Hansen 30.
1-2: Sjúrður Jacobsen 44.
2-2: Bárður Mortansson 51.
2-3: Christian Høgni Jacobsen 53.
2-4: Christian Høgni Jacobsen 56.
2-5: Christian Høgni Jacobsen 90.
HB:
Bárður Johannesen ? Jóhannis Joensen, Florin Miháescu, Hans á Lag, Janus Joensen ? Gigi, Rúni Nolsøe, Símun Eliasen, Pætur Dahl ? Jón Rói Jacobsen, Andrew av Fløtum
NSÍ:
Rúni Joensen ? Kári Hansen, Djóni N. Joensen, Arnfinn Langgaard, Sjúrður Jacobsen ? Gert Langgaard, Ian Højgaard, Abraham Løkin, Jónstein Petersen ? Dánjal Hansen, Christian Høgni Jacobsen
