Veðurfrøðingurin hjá Miðlahúsinum, Petur Skeel Jacobsen, væntar at tað fer at gerast støðugt lýggjari hesa vikuna, áðrenn kuldin brestur á aftur í vikuskiftinum.
Seinnapartin í dag verður gul til stívt andøvsgul, ella 5-10 metrar um sekundi, av útsynningi og vestri. Nakað av avfalli verður í væntu seinnapartin, men tað verður turt út á kvøldið. Hitlagið kemur at vera um fimm til átta stig í dag.
Í morgin og ovurmorgin veksur hann nakað um vindin, og hann kemur at liggja millum 8 og upp í 17 metrar um sekundi, men hitin kemur at liggja um átta og heilt upp í 14 stig fríggjadagin.
Um vikuskifti brestur kuldin á aftur við kavaælingi, og hitalagið kemur at liggja um eitt til fýra stig.
