Nýggjar maður á miðjuni hjá AB

Tilgongdin og frágongdin hevur verið søguliga stór á Argjum til hetta kappingarárið. Til dystin sunnudagin móti B36, sum hvítu og svørtu gestirnir vunnu 5-0, kom ein gamal kenningur hjá AB á vøllin.

Talan er um 24 ára gamla Bjarna Skála. AB skrivar, at miðvallarin ikki hevur verið partur av kappingarárinum í ár orsaka av útbúgving, men at hann hevur játtað at verða ein partur av hópinum restina av kappingarárinum.

- Bjarni Skála hevur spælt 114 dystir fyri besta liðið hjá AB. Hann er ein stríðsmaður á miðuni, sum er gull verdur fyri eitt lið í okkara støðu, sum er noytt at stríðast fyri lívinum í hvørjum einasta dysti. Bjarni er eldri beiggin hjá tvíburunum, Ragnari og Rógva Skála, og harvið hava vit tríggjar beiggjar í sama hópi, sum helst er eitt sindur sjáldsamt, skrivar AB.

AB liggur í løtuni á áttanda plássi í Betri deildini. Fimm umfør eru eftir av kappingarárinum. 

(Stigatalvan/FSF)