Samstundis sum borgarar í Hvalvík, Hósvík, Saksun og Streymnesi skulu taka støðu til, um tey ynskja ein ella fleiri skúlar í kommununi, so veksur talið av skúlum í høvuðsstaðnum.
Mentamálaráðið hevur nevniliga góðkent umsóknina frá stigtakarunum til Lítlaskúla, um at stovna nýggjan frískúla.
Harvið er greitt, at Lítliskúli byrjar í august 2016. Tað skrivar skúlin á síni heimasíðu.
Tikið verður nú móti innskrivingum til skúlaárið 2016/2017, og sambært skúlanum eru enn nøkur pláss eftir.
Enn hevur tað tó ikki eydnast skúlanum at útvega eini hølir til skúlabrúk.
