Vaktleiðarin visti í morgun at siga um eina hending í Havn, har óbodnir gestir vóru farnir inn í ein hjall.
Sambært løgregluni var ætlanin neyvan at stjala kjøt, tó at tað er heyst og flettingartíð - men rúsdrekka.
Tann, sum búði har, varnaðist, at okkurt var á vási og boðsendi løgregluna.
- Vit fingu fatur á teimum, og tað vísti seg, at hetta vóru ungir dreingir, sum høvdu stolið nakrar øl í part úr hjallinum.
Vaktleiðarin sigur, at tíðliga í morgun fingu tey eisini fráboðan um, at eldur var í einum ruskílati við Býarbókasavnið í Havn.
- Hóast talan bara var um eitt ruskílat, skuldi ávísur innsatsur til at sløkkja eldin, leggur løgreglan aftrat.
