Tað segði hann í tinginum mikudagin, tá fleiri fyrispurningar vóru um lønarviðurskiftini hjá tingmonnum, eftir at Sosialurin hevur sett spurnartekin við, um tað er rætt at summi tingfólk fáa dupultar lønir – løn fyri at sita á ting og fyri at sita í landsstýrinum í senn.
Løgmaður vísir á, at uppskotið hjá honum byggir á eitt tilmæli, sum ein óheft nevnd hevur gjørt,
Men løgmaður vísti á, at hann vil hava politiska undirtøku fyri málinum, áðrenn hann fer at leggja tað fram.
Spurnarumfarið hjá Sosialinum vísir, at eitt so at siga samt løgting heldur tað vera burturvið, at landsstýrisfólk, sum taka sæti aftur á tingi fáa ting- og landsstýrisløn í eitt hálvt ár. Men spurningurin er bara, hví hendan skipan ikki er broytt fyri langari tíð síðani.
Tað er meira enn 20 ár síðani, at Sosialurin skrivaði um stóru skattafríu ískoytini, sum politikarar fáa – og sum slett ikki standa mát við veruligu útreiðslurnar, og sum eru so nógvar ferðir størri, enn tað sum onnur fáa í ferðastuðuli. Kortini hendir einki.
Løgmaður vísir til álitið, hann fekk nýggjársaftan í fjør. Bert tíðin fer at vísa, hvat løgmaður fer at gera við ta uppskotið, tí fleiri onnur slík tilmæli liggja í skuffuni hjá løgmanni í tinganesi. Kaj Leo fekk eitt í 2009 og eitt triðja varð gjørt í 2005. Tað liggur í skuffuni, tí bæði Jóannes Eidesgaard og Kaj Leo Holm Johannsen kunnu bara siga, at teir mugu tryggja sær meiriluta, áðrenn teir leggja tað fyri tingið. Har liggur eisini eitt eldri tilmæli – so løgmaður, hevur í minsta lagi trý tilmæli liggjandi, har víst verður á, hvussu politikarar eiga at verða løntir.
»Trupulleikin« sum Sosialurin vísti á, kom fram í ljósmála, nú Kári P. Højgaard fór aftur í tingi. Hann hevur sjálvur tvær ferðir sum tingmaður, einaferð saman við Kaj Leo Johannesen, sum tá var tingmaður, lagt júst hetta uppskot fyri tingið um at broyta lógina soleiðis, at tað ikki ber til at koma í ta støðu, sum hann er endaður í nú við tveimum lønum. Vit vita eisini, at Kaj Leo Holm Johannesen saman við í minsta lagi seks ørðum fólkum kemur í ta støðu, at tey kunnu fáa eina fjóðrings millión í eyka løn – sum hann sjálvur heldur vera órímuligt.
Men hetta kann løgmaður nú broyta – og harvið spara okkara felags kassa hálvaaðru millión.
