Ikki færri enn 25 HM-undankappingardystir hava verið í kvøld.
Í bólki C helt Svøríki fast um 2. plássið í bólkinum við 2-1-sigri á útivølli ímóti Írlandi. Johan Elmander og Anders Svensson skutu svensku málini, meðan Robbie Keane skeyt einsamalla málið hjá Írlandi.
Danmark vann við bit og slit 2-1 á útivølli ímóti pinkutjóðini, Malta. Leon Andreassen legði Danmark á odda longu í 2. minutti, men stutt fyri steðgin javnaði Clayton Failla fyri Malta. Eitt sjálvmál í seinna hálvleiki gav Danmark henda týdningarmikla kravsigurin, sum heldur lív í vónini hjá teimum í bólki B. Ikki færri enn trý lið hava 9 stig, sum er eitt stig aftanfyri Bulgaria á endaspælsgevandi 2. plássinum. Langt fremst er Italia við 17 stigum.
Nakað tann sama er støðan hjá Íslandi í bólki E, eftir at teir í Sveis í kvøld gjørdu eitt rimmar comeback og í seinna hálvleiki vendu einum hóttandi 1-4 til 4-4. Stóra hetjan gjørdist 22 ára gamli Jóhann Berg Guðmundsson, sum skeyt hattrikk og seinasta málið í 92. minutti. Noreg, sum eisini er í bólki E, vann 2-0 ímóti Kýpros á heimavølli, og varðveita teir tískil 2. plássið, meðan Albania og Ísland elta teir og bara eru eitt stig aftanfyri. Norsku málini skutu Tarik Elyounoussi og Joshua King.
Finnar vóru prísgivnir á heimavølli ímóti Spania, sum vann 2-0 við málum frá Jordi Alba og Alvaro Negredo. Í hesum bólkinum, sum er bólkur I, er Spania greitt á odda við 14 stigum, meðan Frakland er á 2. plássi við 11 stigum. Teimum á baki kemur Finnland við seks stigum.
Øll úrslitini í kvøld:
Bólkur A:
Makedonia - Wales 2-1
Serbia - Kroatia 1-1
Skottland - Belgia 0-2
Bólkur B:
Kekkia - Armenia 1-2
Malta - Danmark 1-2
Italia - Bulgaria 1-0
Bólkur C:
Kasakhstan - Føroyar 2-1
Týskland - Eysturríki 3-0
Írland - Svøríki 1-2
Bólkur D:
Rumenia - Ungarn 3-0
Turkaland - Andorra 5-0
Estland - Holland 2-2
Bólkur E:
Norra - Kýpros 2-0
Slovenia - Albania 1-0
Sveis - Ísland 4-4
Bólkur F:
Russland - Luksemburg 4-1
Norðurírland - Portugal 2-4
Bólkur G:
Lettland - Litava 2-1
Bosnia-Hersegovina - Slovakia 0-1
Liktinstein - Grikkaland 0-1
Bólkur H:
Ukraina - San Marino 9-0
Pólland - Montenegro 1-1
England - Moldova 4-0
Bólkur I:
Georgia - Frakland 0-0
Finnland - Spania 0-2
