Fert tú á ólavsøku?
- Ja, í ár hava vit tikið avgerð um at fara ein túr við børnunum, men tað verður bert tann eini dagurin.
Hvussu heldur tú ólavsøku í ár?
- Eg kundi væl hugsað mær at sæð kappróðurin, men vit koma helst at ganga mest har, sum tivoli er.
Tað sigur Lonnie Bengtsen, sum í øllum førum ætlar sær at síggja 10-mannaførini rógva.
- Annars verður ólavsøkan mest at ganga túrar runt í býnum og heilsa upp á fólk.
Hvat er tað besta við ólavsøkuni?
- Tað er helst kappróðurin og felagssangurin.
Er okkurt serligt, tú minnist frá ólavsøkuni?
- Nú er tað so langt síðan, at vit vóru á ólavsøku, so tað er sum so einki ávíst, eg minnist afturá, sigur hon.
Hvat kundi verið øðrvísi við ólavsøkuni?
- Tað er trupult at siga, men tað kann eg svara tær til næsta ár, tá vit hava verið annan dagin á ólavsøku í ár, sigur Lonnie Bengtsen brosandi.
