Í enskum máli verður tosað um "The Founding Fathers" - teir sum vóru grundararnir.
Millum The Founding Fathers, tá tað kemur til oyggjaleikasamstarvið er okkara egni John Kjær, ið saman við konuni, Bente tók nógv tøk í pioner-tíðini í 1980-unum fyri at fáa oyggjaleikirnar at fungera.
Ein av hesum grundarunum var Owen Le Vallee úr Guernsey, ið doyði 3. januar í ár. Owen La Vallee var ein av stovnarunum av altjóða oyggjaleikafelagsskapinum, og hann fekk oyggjaleikirnar til Guernsey í 1987, tvey ár aftaná fyrstu leikirnar á Oynni Man.
Owen La Vallee gjørdi eitt stórt ósjálvssøkið arbeiðið fyri ítróttina á Guernsey, og fyri oyggjaleikirnar. Hann var av røttum ein av heiðurslimunum í altjóða oyggjaleikafelagsskapinum.
Á Guernsey hava tey valt at heiðra Owen La Vallee á ein serligan hátt. Framleiddir eru tveir granittbeinkir, ið eisini skulu vera eitt minnið um oyggjaleikirnar sum eru á Guernsey í hesum døgum.
##med2##
Tað er Mark Cook sum hevur sniðgivið beinkirnar. Hann hevur funnið íblástur frá teimum olympisku leikunum, ið vóru fyrst í 20. øld.
Níggju ítróttargreinir eru ristar við gulli í benkurnar. Á beinkinum sæst eisini flaggið hjá Guernsey sum eitt minnið um oyggjaleikirnar, ið eru í hesum døgum.
