Kvinnurnar sum skulu kappast til tenniskappingarnar á oyggjaleikunum á Guernsey kunnu anda lættan, at Heather Watson úr Guernsey ikki tekur lut á oyggjaleikunum.
Heather Watson hevur júst kappast í heimsins fremstu tenniskapping, Wimbledon.
Í fyrsta umfarinum í prestisjufullu tenniskappingini mátti Heather Watson í einmansleiki lúta fyri Barboru Krejcikova, ið er styrkismett sum nummar 10.
Heather Watson tapti dystin 0-2 við settúrslitunum 2-6, 5-7. Í seinna settinum fekk hon givið Barboru Krejcikova ein skarpan gang.
Men Heather Watson verður ikki at síggja á tennisvøllinum á oyggjaleikunum.
Tær sum manna kvinnulandsliðið hjá Guernsey í tennis á oyggjaleikunum eru Jo Dyer, Lauren Barker, Lauren Watson-Steele, Lauren Coutanche og Jenny Hutchins.
