Størsti róðurin í dag var tann millum 6-mannaførini við monnum, og eins og á Norðoyastevnu var aftur hesa ferð talan um tætta kapping.
Páll Fangi fekk besta startin, og klaksvíkingar vóru fyrstir á mál. Men tað var ikki uttan kapping.
Á Norðaoyastevnu vóru tað Tvørabáturin og Riddarin, sum vóru fremstu avbjóðararnir. Í dag var tað Smyril úr Vági, sum kom næstur á mál.
Smyril legði bæði Tvørabátin og Riddaran væl aftur um seg, men Smyril megnaði einki at gera við Páll Fanga, sum var sannførandi í endaspurtinum.
At úrslitini eru tørnað soleiðis út, sum tey eru tað tvær tær fyrstu ferðirnar í ár, ber við sær, at Páll Fangi nú er trý stig frammanfyri Tvørabátin, sum er fremsti avbjóðarin í FM kappingini.
1 Páll Fangi 07:45.02
2 Smyril 07:46.15
3 Tvørabáturin 07:48.24
4 Riddarin 07:50.01
5 Skúgvur 07:58.05
6 Strálan 07:58.12
7 Lómur 08:06.13
8 Hósvíkingur 08:11.24
9 Jarnbardur 08:19.24
10 Herningur 08:24.01
1 Páll Fangi 14
2 Tvørabáturin 11
3 Smyril 10
4 Riddarin 9
5 Strálan 5
6 Skúgvur 5
7 Hósvíkingur 1
8 Lómur 1
9 Gongurólvur 0
10 Jarnbardur 0
11 Herningur 0
