Pauli Høj og liðfelagarnir í Bergsøy hava skrivað søgu. Fyri fyrstu ferð skal Bergsøy royna seg í bestu norsku hondbóltsdeildini.
Í REM Arena høllini í Fosnavåg tryggjaði Bergsøy sær uppflytingina til bestu deildina við at vinna ein knúsandi 44-26 stórsigur á Kragerøy. Í steðginum var heimaliðið á odda 19-10.
Pauli fekk tríggjar málmøguleikar og hann setti allar í netið.
Bergsøy vinnur deildina við 46 stigum. Viking TIF endaði á 45 stigum, og Bodø er nummar trý við 41 stigum. Viking TIF og Bodø skulu spæla Play Off dystir um uppflyting.
##med2##
