Hóskvøldið 22. juni samtykti býráðið í Nes kommunu at taka av tilboði frá Innspark at gera eina heildarætlan fyri útiøkið hjá Frítíðarskúlanum.
- Nýggi Frítíðarskúlin, sum varð tikin í nýtslu í fjør, fekk eisini tá nakað til spæliplássið, men tað var bara ein byrjan.
Tað siga tey í Nes kommunu í dag. Lagt verður aftrat, at nú verður talan um eitt náttúruspælipláss, spælihús, parkourvøll og dandistativ.
Býráðið í Nes kommunu samtykti á sama fundi at játta pening til at leggja gummi á spæliplássið í Barnagarðinum.
- Eisini varð peningur játtaður til tess at byrja eina uppraðfesting av skúlagarðinum í Tofta skúla, siga tey í Nes kommunu.
