Lagt er upp til eitt sørvágs-derby í hálvfinaluni í steypakappingini hjá monnum í flogbólti.
Í kvøld vann SÍb úr næstbestu deildini seg víðari til hálvfinalurnar úr bólki 1. Í bólki 2 er sannlíkt, at SÍb endar á øðrum plássi, og verður ein rein SÍ-uppgerð á skránni í hálvfinalunum.
Roynda SÍb liðið vann í kvøld 3-2 á Fleyr a í Gundadalshøllini. Settmunurin var 17-25, 25-18, 25-18, 14-25 og 12-15.
Í annaðkvøld tekur Mjølnir ímóti TB, og vinnur Mjølnir bara 3-2 vinna teir seg í hálvfinalurnar, har ÍF verður mótstøðuliðið.
TRÝST á PÍLIN undir MYNDINI, og hoyr hvussu tað ljóðaði á Rás2, tá Óli G. Samuelsen segði frá teimum fimm avgerandi bóltunum í teim fimm settunum. Magnus Tausen var viðmerkjari. Magnus Tausen tók eisini samanum tá dysturin var liðugur.
SÍb: Aftast frá vinstru: Jón Falkvard, Jón Nielsen, Finn Hansen, Ingi Ole-Jacobsen, Eli Reynskor, Martin Mikkelsen og Emil Mikkelsen. Fremst frá vinstru: Jón Joensen, Ólavur Jensen, Jóhan Petur á Stongum, Sonni Zachariasen og Jørgen Niclasen.
