Rebekka Fuglø skuldi ikki verða við í rennikappingini á 200 metrum, tí hendan kappingin fall sama dag sum renningin á 800 metrum, men tá ið skráin varð broytt, so kundi Rebekka verða við í 200 metra renningini í dag.
Rebekka rann teinin í tíðini 28,80 sekund, sum er nýtt føroyskt met. Hon kom tó ikki í finaluna.
Rúni Seloy rann 400 metrar í tíðini 54,15, sum var hansara besta tíð. Hann endaði sum nummar 4 í sínari innleiðandi kapping, men kom ikki í finaluna.
Í dag klokkan 17.10 fer Bjørk Herup Olsen at renna kapping í 5.000 metrum.
