Tað einasta, sum Lars Olsen hevur avdúkað og staðfest rundan um Nations League landsdystin, er at René Shaki Joensen byrjar inni, og at vit spæla 4-2-3-1. Tað munnu tvey flestu hava fingið við seinastu tveir dagarnar, men ikki René.
Hoyr samrøðuna við at trýsta á pílin undir myndini
- Eg hoyrdi tað akkurát nú á tíðindafundinum, at eg skal byrja inni, sigur René Shaki Joensen, tá FM1 fær orðið á hann til venjing í kvøld.
Hetta hevur staðið blæði eina ferð og tvær ferðir á In.fo, men havnarmaðurin í Grindavík hevur onnur ting at gera, enn at lesa In.fo og aðrar tíðindasíður.
- Hevur tað tað? Eg havi bara hugsað um at gera meg til reiðar til dystin, sigur René Shaki Joensen flennandi.
René Shaki Joensen skoraði, tá vit í fyrsta umfari í Nations League vunnu 3-1 á Malta á Tórsvølli. Tá gloymdi hann at feira málið, sum hann hevði ætlað. Betri gekk at jubla, tá hann javnaði til 1-1 móti Kosovo. Jubilsenan hevði íblástur frá telduspælinum Fortnite. Men er hann til reiðar at jubla aftur?
- Ja, eg fari at gera eina jubilsenu frá Fortnite um eg skori, sigur René Shaki Joensen.
Føroyar spælar í kvøld klokkan 19.45 móti Malta. FM1 og In.fo hava beinleiðis frásøgn.
