Í dag vóru Teis Horn Rasmussen og liðfelagarnir í Ribe-Esbjerg fyri fyrsta tapinum í niðara endaspælinum í bestu donsku hondbóltsdeildini.
Ribe-Esbjerg tapti á útivølli stórt 25-39 fyri HØJ, ið var á odda 21-13 í steðginum.
Tað gekk tó væl hjá Teis, ið saman við Elvari Ásgeirssyni var toppskjútti hjá Ribe-Esbjerg. Teir skutu fimm mál hvør.
Ribe-Esbjerg er fremst í niðara endaspælinum við seks stigum.
Vinnur Ribe-Esbjerg í seinasta umfarinum heimadystin móti Nordsjællandi komandi leygardag klokkan 14, so vera teir fremst í niðara endaspælinum.
Jóhan á Plógv Hansen og liðfelagarnir í Skanderbog-Aarhus hildu fast í hálvfinalukósini í ovara endaspælinum. Jóhan skoraði tvey mál, tá Skanderborg-Aarhus á útivølli vann 37-30 (20-15) sigur á Holstebro.
Skanderborg Aarhus er fremst í bólki 2 við sjey stigum. Hósdagin klokkan 17.30 spæla teir dyst á útivølli móti Mors.
