Enn er líkt til, at Barack Obama, forseti, verður verandi í Hvítu Húsunum fýra ár afturat, tí sambært teimum nýggjastu meiningakanningunum fer hann at vinna forsetavalið í november.
Ipsos og Reuters gera eina kanning um dagin, og eftir teirri seinastu fær Obama stuðul frá 48 prosentum av veljarunum, meðan 42 prosent styðja Mitt Romney. Hetta er júst sama úrslit sum í næstseinastu kanning.
Í einari kanning hjá RealClearPolitics fær Obama 48,3 prosent av atkvøðunum og Mitt Romney 45,2 prosent.
