Seinna hálva av 2. umfari í bólkaspælinum í Champions League hevur verið í kvøld. Cristiano Ronaldo fer avstað við yvirskriftunum, eftir at hann avgjørdi dystin móti Villarreal í yvirtíðini. FC Barcelona tapti 3-0 móti Benfica og er í kreppu.
Bólkur E:
Kreppan í FC Barcelona er stór og tað ivasamt, um Ronald Koeman yvirlivir dystin í kvøld. Benfica vann heili 3-0 og spælið hjá FC Barcelona er langt frá tí, sum tú vanliga setur í samband katalanska stórfelagið.
Bayern Munchen er millum favorittarnar at vinna kappingin. Tað stendur við eftir 5-0 sigurin í kvøld á Dynamo Kiev. Robert Lewandowski skoraði tvær ferðir.
Støðan:
- Bayern Munchen 6
- Benfica 4
- Dynamo Kiev 1
- FC Barcelona 0
Bólkur F:
Cristiano Ronaldo skoraði til 2-1 í 94. minutti í dystinum móti Villarreal á Old Trafford. Tað vóru annars gestirnir úr Spania, sum komu á odda, men við dundurskoti javnaði Alex Telles fyri Manchester United. Tað endaði við, at Cristiano Ronaldo úr spískum avgjørdi dystin.
Fyrr í kvøld vann Atalanta á Young Boys. Matteo Pessina avgjørdi dystin miðskeiðis í seinna hálvleiki.
Støðan:
- Atalanta 4
- Young Boys 3
- Manchester United 3
- Villarreal 1
Bólkur G:
Her vann FC Salzburg 2-1 á franska Lille. Stóra navnið er evnaríki Karim Adeyemi, ið tvær ferðir umsetti brotsspark til mál. Í Týsklandi spældu Wolfsburg og Sevilla javnleik 1-1. Her fekk Sevilla eitt umstrítt brotsspark.
Støðan:
- FC Salzburg 4
- Sevilla 2
- Wolfsburg 2
- Lille 1
Bólkur H:
Juventus vann eitt sindur óvæntað 1-0 á verandi meistarunum úr Chelsea. Heimaliðið var eisini uttan nakar av týðandi spælarunum. Stóra stjørna var italski evropameistarin Fredrico Chiesa. Fyrr um kvøldið vann Zenit 4-0 á heimavølli móti Malmø.
Støðan:
- Juventus 6
- Chelsea 3
- Zenit 3
- Malmø 0
